తులసి
     తులసి పేరుతో ఇతర వ్యాసాలున్నాయి. వాటి లింకుల కోసం తులసి (అయోమయ నివృత్తి) చూడండి.
?తులసి
శాస్త్రీయ వర్గీకరణ
సామ్రాజ్యము: ప్లాంటే
విభాగము: మాగ్నోలియోఫైటా
తరగతి: మాగ్నోలియాప్సిడా
వర్గము: లామియేలిస్
కుటుంబము: లామియేసి
ప్రజాతి: ఓసిమం
జాతి: ఓ. టెన్యుయిఫ్లోరమ్
ద్వినామము
ఓసిమం టెన్యుయిఫ్లోరమ్
లి.
Synonyms
ఓసిమం శాంక్టమ్ లి.
తులసి (ఆంగ్లం Tulasi, Tulsi, Holy Basil) ఔషధీ పరంగానూ, హిందూ సంప్రదాయాలలోనూ ఎంతో ప్రాముఖ్యత ఉన్న మొక్క. దీని శాస్త్రీయ నామము ఓసిమమ్ టెన్యుయిఫ్లోరమ్ (Ocimum tenuiflorum). ఇందులో రెండు జాతులున్నాయి. ముదురు రంగులో ఉండే జాతిని కృష్ణ తులసి అనీ, కొంచెం లేత రంగులో ఉండేదానిని రామతులసి అనీ అంటారు. వీటిలో సాధారణంగా కృష్ణతులసిని పూజకు వాడుతారు. ఆయుర్వేద ఔషధాలలో కూడా కృష్ణతులసిని అధికంగా వాడుతారు.
విషయ సూచిక  [దాచు]
1 తులసి ప్రాముఖ్యత
2 ఔషధంగా తులసి
3 పురాణాలలో తులసి
3.1 బ్రహ్మవైవర్త పురాణం
4 ఆచారాలలో తులసి
5 తులసిని గురించిన సూక్తులు, ప్రార్ధనలు
6 దేవతగా తులసి
7 తులసి పూజ
8 మూలాలు, వనరులు
9 బయటి లింకులు
[మార్చు]తులసి ప్రాముఖ్యత
హిందూ మతంలో, ప్రత్యేకించి శ్రీ వైష్ణవ సంప్రదాయంలో తులసి మొక్క పట్ల ఎంతో భక్తి,పూజావిధానాలు ఉన్నాయి. ఆడువారు తమ పసుపు కుంకుమలు పదిలంగా ఉండడానికి తులసిని పూజిస్తారు. తులసి పూజకు సంబంధించి చాలా విధానాలు, నియమాలు, వ్రతాలు, పండుగలు, స్తోత్రాలు, భక్తి గేయాలు ఆచారంలో ఉన్నాయి. తులసి తీర్ధం అన్నమాట తరచు వింటాము. తులసి తీర్థం లేదా తులసి రసం భారతీయ సాంప్రదాయంలో ప్రముఖ స్థానాన్ని కలి ఉంది. దీన్ని సర్వరోగ నివారణిగా భావిస్తారు. హిందూ సాంప్రదాయం ప్రకారం మనిషి చనిపోయే ముందు నోటిలో తులసి తీర్ధం పోస్తారు.